فرانتسيا پرەزيدەنتى ەممانيۋەل ماكرون قىتاي, رەسەي, تۇركيا جانە اقش ۇستەمدىككە تالاساتىن ستراتەگيالىق ايماقتا ەۋروپانىڭ ىقپالىن ارتتىرۋعا ۇمتىلىپ, ورتالىق ازيا مەملەكەتتەرىمەن سەرىكتەستىكتى نىعايتۋعا ايتارلىقتاي كۇش سالىپ جاتىر.
وتكەن ايدىڭ باسىندا ماكرون پاريجدە باتىسقا سيرەك كەلەتىن وزبەكستان پرەزيدەنتى شاۆكات ميرزيوەۆپەن كەلىسسوزدەر جۇرگىزدى جانە سەيسەنبى كۇنى ەليسەي سارايىندا قازاقستان پرەزيدەنتى قاسىم-جومارت توقاەۆتى قابىلدادى.
2021 جىلى ەممانيۋەل ماكرون پاريجدە تاجىكستان پرەزيدەنتى ەمومالي راحموندى ەرەكشە قارسى العان ەدى. ال ۋكراينامەن قاقتىعىسقا دەيىن ول رەسەي پرەزيدەنتى ۆلاديمير پۋتينمەن تىعىز قارىم-قاتىناس ورناتۋعا تىرىستى. ق.توقاەۆ پاريجگە ساپارىنان ءبىر كۇن بۇرىن ماسكەۋدە پۋتينمەن كەلىسسوز جۇرگىزدى.